حلم
كتبهاخالد الطيب ، في 10 سبتمبر 2007 الساعة: 09:02 ص
حـــــــــلم أمانة عليكى يا دنيا ماتفرقى حبيبين
ولا تجرحى قلب طاهر وتدمعى له عين
يا نجمة الحب يا وعدى بتحيرينى ليه
سهرانة أنا وسهدى يشغلنى عنك ايه
أمانة يا نجمتى تنورى سكتى وتكملى فرحتى
ياما مشيت فى صحراء
مااعرف مداها فين
وقلت يا قلبى اصبر
آهو عمر مش عمرين
ادعى الهى وأنا
بتدارى م الشامتين
وفجأة صحيت على نور دافى وغامرنى
لقيته حبيب القلب اللى مقسوم لى
وبدأنا سواقصة هوى
عشق وهنا
عرف العذول حبنا
وبرضه ماهمنا
والأهل بارك لنا
وعلى طريق الحب
زرعنا غصن الأمل
نرويه صراحة وثقة
ولغيرنا كنا مثل
*
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
أكتوبر 10th, 2007 at 10 أكتوبر 2007 10:34 ص
خالد
مع كلماتك يعجز اللسان عن التعبير
بحق جميلة جدا كلماتك ورقيقة كل الرقة
وفقك الله في حبك وكل فصول حياتك
كل عام وأنت بألف ألف خير